Menu

Content

Breadcrumb

Jibda jitqassam id-Djarju tad-Dar tal-Providenza għas-sena 2018

Id-Djarju tad-Dar tal-Providenza għas-sena 2018 beda jitqassam f'kull dar ta' Malta u Għawdex. Permezz ta' dan id-djarju, li bit-tagħrif li fih jibqa' jintuża s-sena kollha, is-sostenituri ikollhom l-opportunità li juru s-solidarjetà tagħhom mad-Dar li toffri residenza lil mija u ħmistax-il resident b'diżabilità bl-aħjar ambjent li jgħin fl-iżvilupp sħiħ tagħhom.

F'dawn l-aħħar ġimgħat għadd kbir ta' volontiera minn kull qasam tal-ħajja taw daqqa t'id fl-ippakkjar ta' dawn id-djarji f'envelopes apposta. Bħal fis-snin l-imgħoddija, id-djarju fih il-ħinijiet tal-quddies kollu tal-Ħdud u ta' matul il-ġimgħa fil-knejjes kollha ta' Malta u Għawdex u Kalendarju dettaljat. Fih ukoll il-lista tal-festi parrokkjali kollha fiż-żewġ gżejjer għas-sena ddieħla.

Jekk xi ħadd ma jasallux id-djarju huwa mitlub li jċempel lir-Reception tad-Dar tal-Providenza fuq 21462844 jew b'email fuq Questo indirizzo email è protetto dagli spambots. E' necessario abilitare JavaScript per vederlo..

Ir-ritratt bil-kulur tal-qoxra huwa tpinġija ta' Christina Grech

MAPFRE MSV Life u GasanMamo Insurance sponsorjaw l-istampar tad-djarju waqt li l-Maltapost reġgħet ġentilment aċċettat li tqassam id-djarji mingħajr ħlas fid-djar kollha.

Aqra iktar...

Parascending b'risq id-Dar tal-Providenza

Ħafna huma dawk li jiddevertu jagħmlu paragliding mingħajr problemi ta' xejn.

Imma mhux daqstant faċli għal Christine u Tonio, żewġ persuni b'diżabiltajiet fiżiċi.

Madankollu, it-tnejn deċiżi li jistgħu u se juru li jistgħu jagħmlu paragliding biex jinġabru fondi b'risq id-Dar tal-Providenza.

Dan se jsir nhar il-Ħadd, 8 ta' Ottubru fil-ħdax ta' filgħodu fil-Golden Bay, f'Għajn Tuffieħa
Agħtu l-appoġġ tagħkom lil Christine e Tonio f'din l-isfida eċċitanti. Kunu hemm.

Min ma jistax jiġi hemm, jista' jagħmel donazzjoni f'wieħed minn dawn il-kontijiet bankarji:
APS IBAN: MT14APSB77046000234320000517554 BIC:APSMTMT
BOV IBAN: MT46VALL22013000000011702245152 BIC: VALLMTMT
HSBC IBAN: MT10MMEB44440000000044082873050 BIC:MMEBMTMT
LOMBARD IBAN: MT37LBMA05000000000001440300371 BIC: LBMAMTMT
BANIF IBAN: MT81BNIF145020021286502002128651817000000 BIIC: BNIFMTMTXXX

Aqra iktar...

Is-Segretarju Parlamentari għall-Persuni b’Diżabilità u Anzjanità Attiva iżur id-Dar tal-Providenza

Is-Segretarju Parlamentari għall-Persuni b'Diżabilità u Anzjanità Attiva, l-Onor Anthony Agius Decelis għamel l-ewwel żjara uffiċċjali tiegħu fid-Dar tal-Providenza fis-Siġġiewi. Huwa kien milqugħ mid-Direttur tad-Dar, Fr Martin u Micallef u ltaqa' u tkellem mal-membri tal-amministrazzjoni. Huwa ħa l-opportunità li jiltaqa' mar-residenti u l-carers tagħhom.

F'diskors qasir ta' merħba Fr Martin irrefera għat-tnejn u ħamsin sena ta' ħidma tad-Dar tal-Providenza li ma setgħet qatt tkun possibbli mingħajr nies bħal Dun Mikiel li kellu viżjoni, mingħajr ħaddiema dedikati, professjonisti u sorijiet tal-Karità flimkien ma' benefatturi li emmnu f'din il-kawża u għenu biex din il-ħidma tibda u tibqa' miexja. Huwa semma wkoll li tul dawn is-snin kien hemm ukoll Gvernijiet differenti li wkoll taw is-sostenn u l-appoġġ tagħhom lid-Dar u lill-ħidma tagħha. Għaldaqstant, Fr Martin qal li xtaq jieħu din l-opportunità biex juri l-apprezzament tad-Dar għall-għajnuna li l-Gvern preżenti u s-Segretarjat Parlamentari preżenti taw u qed jagħtu lid-Dar.

L-Onorevoli Agius Decelis qal li l-aġenda tal-ħidma kollha tas-Segretarjat Parlamentari hija msejsa fuq il-manifest elettorali tal-Partit Laburtista approvat mill-elettorat fl-aħħar elezzjoni ġenerali u għaldaqstant ikun min ikun is-Segretarju Parlamentari il-ħidma fis-settur tal-persuni b'diżabilità tibqa' għaddejja u titwettaq. Huwa ħeġġeġ li jkun hemm ħidma kollettiva flimkien mad-Dar tal-Providenza u l-NGOs l-oħra biex tkompli ssir ħidma li ttejjeb il-kwalità tal-ħajja tal-persuni b'diżabilità.

Is-Segretarju Parlamentari Agius Decelis sab ħin biex iżur il-kappella u l-mużew ta' Dun Mikiel kif ukoll jara b'għajnejh il-faċilitajiet u l-ħidma li ssir fil-pixxina terapewtika u fiċ-Ċentru Agrikolu

Aqra iktar...

Ikkuntatjana

Id-Dar tal-Providenza
Lapsi Road,
Is-Siġġiewi,
SGW 2822
MALTA
Tel No: (+356) 21464915
Fax: (+356) 21467925

Mailing List

Join our mailing list...

Log In or Register