€5,000 mogħtija lid-Dar tal-Providenza minn GO Cares.
Il-GO Cares Employee Fund għamlet għotja ta’ €5,000 lid-Dar tal-Providenza. Din id-donazzjoni ta’ GO Cares saret possibbli minn għotjiet li jinġabru matul is-sena mill-kumitat li jamministra il-GO Cares Fund.
Impjegati ta’ GO volontarjament jagħmlu għotja li ta’ kull xahar toħroġ mis-salarju tagħhom. Barra minn hekk matul is-sena jsiru diversi attivitajiet oħra ta’ ġbir ta’ fondi.
Bis-saħħa t’hekk, GO Cares tkun tista’ tappoġġja finanzjarjament organizzazzjonijiet bħad-Dar tal-Providenza w entitajiet oħra li jibbenefikaw minn dan il-fond.
F’isem ir-residenti u l-amministrazzjoni tad-Dar, id-Direttur Mons. Martin Micallef irringrazzja lir-rappreżentanti tal-kumitat ta’ tmexxija ta’ GO Cares li ppreżentaw iċ-ċekk għas-solidarjetà altruista tagħhom.
