Awguri lil Mary Verzin f’għeluq id-90 sena tagħha

Maria Dolores Verzin, volontiera fid-Dar tal-Providenza, tagħlaq 90 sena fid-29 ta’ Ġunju. L-isbaħ xewqat mingħand id-Direttur tad-Dar, Fr Martin Micallef, l-amministrazzjoni u kollegi li ħadmu mas-Sinjura Verzin.

Is-Sinjura Verzin, li kienet ġiet mistiedna minn Mons Mikiel Azzopardi stess biex tiġi tgħin fid-Dar tal-Providenza, fl-2011 ingħatat il-Premju Dun Mikiel b’rikonixximent tal-ħidma tagħha fid-Dar. Il-ħin tagħha tagħtih fit-taqsima tal-ħajjata li hemm fid-Dar.