Ħarġa bir-roti u €2,000 b’risq id-Dar tal-Providenza

Inizjattiva tal-management u l-istaff tal-Lukanda Dolmen tal-Qawra spiċċat b’donazzjoni ta’ €2,000 lid-Dar tal-Providenza. Iċ-ċiklisti temmew id-dawra bir-roti f’Misraħ San Giovanni XXIII quddiem il-kappella tad-Dar fis-Siġġiewi.

Is-Sur John Muscat, HR Manager tal-Lukanda Dolmen, ippreżenta ċ-ċekk lid-Direttur tad-Dar, Fr Martin Micallef, li f’isem ir-residenti u l-amministrazzjoni irringrazzja lill-management u l-istaff tad-Dolmen għal din l-inizjattiva ta’ solidarjetà mad-Dar tal-Providenza.