Il-Papa Franġisku jiltaqa’ ma’ grupp ta’ persuni b’diżabilità intellettwali minn Malta

/fi /by

Waqt l-Udjenzja Ġenerali tal-Erbgħa filgħodu, l-Papa Franġisku ltaqa’ ma’ grupp ta’ persuni b’diżabilità intellettwali membri tal-Grupp Flimkien Naslu f’Malta.

Il-Grupp Flimkien Naslu, li twaqqaf fl-2004, huwa grupp immexxi minn persuni b’diżabilità intellettwali bis-sapport meħtieġ li jorganizza attivitajiet soċjali għall-membri u l-ħbieb tagħhom.

Lourdes Farrugia, President tal-Grupp, qalet li l-laqgħa mal-Papa kienet esperjenza sabiħa. Malcom Camilleri, li kien emozjonat ħafna bħall-kumplament tal-grupp, qal li ħa gost jara lill-Papa u jixtieq jerġa’ jarah darba oħra. John Paul Fenech qal li din il-laqgħa mal-Papa, li kienet l-ewwel darba għalih, emozjonatu ħafna.

This post is also available in: English