Dr George Grech jingħata l-Premju Nazzjonali għas-Servizz Volontarju 2020
It-Tabib George Grech ingħata l-Premju Nazzjonali għas-Servizz Volontarju 2020.Għal aktar minn 15-il sena, Dr Grech ta s-servizz ta’ kura medika mingħajr ħlas lir-residenti tad-Dar tal-Providenza u kien ukoll il-moħħ wara l-pixxina terapewtika li hemm fid-Dar.
F’isem ir-residenti, l-Management, Support Workers u Carers, ħaddiema u voluntiera, Fr Martin Micallef, Direttur tad-Dar, feraħ lil Dr Grech li ngħata l-premju li jixraqlu li huwa żgur unur kbir għalih kif ukoll għad-Dar tal-Providenza li hija tant għal qalbu.
Dan il-Premju Nazzjonali jirrikonoxxi s-servizzi ta’ voluntiera u organizzazzjonijiet volontarji fi ħdan il-komunità, joħloq għarfien ta’ valuri eżemplari u jidentifika mudelli għaż-żgħażagħ u s-soċjetà u fl-istess waqt jirrikonoxxi wkoll il-kontribuzzjonijiet importanti f’diversi setturi.
This post is also available in: English
