Rekluti ġodda tal-Forzi Armati ta’ Malta jgħinu fid-Dar tal-Providenza

Grupp ta’ rekluti ġodda tal-Forzi Armati ta’ Malta qattgħu xi jiem jagħlu xogħol volontarju f’Dar Akkwarell fil-Qawra. Ir-rekluti għamlu xogħol ta’ tikħil u żebgħa fil-partijiet komuni tar-residenza kif ukoll taw dehra ġdida lil-kmamar privati tar-residenti. Qabel telqu ir-rekluti ppreżentaw rigali li jafu li r-residenti jħobbu u għamlu wkoll donazzjoni għad-Dar tal-Providenza.

Ħidma oħra li għamlu r-rekluti tal-Forzi Armati ta’ Malta kienet fid-dar tat-tfal tal-Creche f’Tas-Sliema.

Din il-ħidma volontarja ma setgħetx tkun possibli mingħajr l-għajnuna materjali u finanzjarja. L-isponsors ewlenin kienu Sigma Malta, Macpherson Paints Malta, B&G Hardware Store, Betacentre, Nectar.