Archive for month: Settembru, 2015

Insellem lilek President tar-Repubblika u nirringrazzjak tal-preżenza tiegħek f’din il-festa ta’ ringrazzjament. Nirringrazzja lilek ukoll Onorevoli Prim Ministru, u lilkom Membri Parlamentari. Hu ġest ta’ gratitudni li tkunu magħna f’dan il-mument ta’ ferħ u ta’ ringrazzjament. Nirringrazzja wkoll lil tant Presidenti Emeriti li nagħqdu magħna.

Nixtieq insellem b’mod partikolari lil Mons. Ġużeppi Mercieca li ddeċieda li jkun magħna llum. Grazzi għażiż Monsinjur Mercieca tal-preżenza tiegħek. Nimmaġina li kieku kien hawn Mons. Gonzi kien jiġi wkoll, imma dak qed jarana mis-sema.

Hija ħaġa sabiħa li aħna l-Isqfijiet – inti għażiż Mons. Mercieca, Mons. Cremona u jien – inkunu hawnhekk flimkien. Nirringrazzja wkoll il-preżenza ta’ Mons. Spiteri, Nunzju Appostoliku fil-Kosta tal-Avorju, u nirringrazzjaw lil Alla ta’ din il-ħolma sabiħa li seħħet.

Jiena nixtieq nislet ftit riflessjonijiet mill-Evanġelju skont San Mattew, li għadna kemm smajna. Meta wieħed jisimgħu jistaqsi, ‘dan l-episodju li ġara elfejn sena ilu, propju ftit jiem qabel il-passjoni u l-mewt ta’ Ġesù, kif jirrelata ma’ dak li qed nagħmlu llum?’

Kif spjegalna Fr Martin fil-bidu ta’ din il-Quddiesa, il-konferma li rċieva Mons. Azzopardi 50 sena ilu kienet l-offerta ta’ mitt Lira mingħand mara li faddlithom biex tużahom għal xi ħaġa leġittima, biex issiefer, iżda tathom bħala donazzjoni meta semgħet appell fuq il-mezzi tax-xandir, dak iż-żmien ir-Rediffusion waqt il-programm, ‘Is-Siegħa tal-Morda’. Dan il-programm qasam mal-poplu Malti u Għawdxi li kien qed jisimgħu, din ix-xewqa li kien hemm fil-qalb ta’ Mons. Azzopardi. Evidentement, mhux biżżejjed il-ħolm imma trid il-mezzi. U biex tkun taf li Alla poġġa ħolma fil-qalb tiegħek u li tkun ġejja minnU, il-prova tal-qaddisin kollha u mhux inqas ta’ Dun Mikiel Azzopardi kienet li l-Mulej jipprovdilu l-mezzi.

Għal Dun Mikiel, dawk l-ewwel mitt Lira kienu konferma li l-ħolma se tkun realtà, imma wkoll bidu ta’ serje ta’ atti ta’ ġenerożità bla waqfien. Fr Martin ikkonfermali li din ix-xmara ta’ ġenerożità ma tieqaf qatt. Ma jkollniex ħafna żejjed. Meta konna Ruma nistennew li niltaqgħu mal-Papa, Fr Martin qalli wkoll li kull sena jiżdiedu l-ispejjeż, imma jiżdiedu wkoll id-donazzjonijiet skont kemm hemm bżonn. Dejjem skont kemm hemm bżonn!

Il-ġest ta’ din il-mara fil-Vanġelu, li taqbad vażett tal-alabastru biż-żejt ifuħ jiswa ħafna, jixbaħ il-gest ta’ dik il-mara li 50 sena ilu qabdet il-mitt Lira tagħha u tathom lil Ġesù fil-persuni b’diżabilità, għaliex inti meta tagħti mitt Lira lil persuni bħalma huma r-residenti tad-Dar tal-Providenza, qed tagħtihom li Ġesù. Ġesù se jgħidlek: “Dak li għamilt mal-iċken fost ħuti għamiltu miegħi” (Mt 25,40). Imma l-ġest tagħha huwa ġest li jantiċipa l-qawmien mill-imwiet ta’ Ġesù; huwa żejt ifuħ. Il-Mulej jgħid ‘ħaġa tajba għamlet miegħi. Hija xerrdet din il-fwieħa fuq ġismi u dan għamlitu bi tħejjija għad-difna tiegħi’. Imma aħna nafu li d-difna ta’ Ġesù hija l-għatba tal-qawmien. Il-fwieħa mhix qiegħda biex tgħatti l-korruzzjoni tal-mewt imma biex tantiċipa r-rebħa tal-qawmien. Hu li qalilna li l-foqra se nsibuhom dejjem magħna għaliex il-faqar qisu dejjem jieħu suriet ġodda, minn dak ekonomiku għal dak morali, minn dak soċjali għal internazzjonali. Il-faqar dejjem idur magħna. Dejjem hemm l-okkażjoni biex nuru s-solidarjetà. Imma l-offerta tagħha hija dilka ta’ fwieħa fuq il-ġisem ta’ Ġesù. Dawn ħutna, li l-maskra ta’ ġisimhom meta narawha tista’ tbegħdna, huma l-ġisem ta’ Ġesù. Il-ġenerozità tagħna huwa dak il-balzmu jiswa ħafna, li aħna nferrgħu fuq ras Ġesù biex nesprimu l-imħabba tagħna lejH u lejn ħutna.

Waqt li kont magħhom Ruma, fi tmiem il-ġimgħa li għaddiet, irrealizzajt li r-residenti għeżież tad-Dar tal-Providenza m’għandhomx biss intelliġenza vivaċi imma anke ruħ sensibbli ħafna. Stennew li jasal il-Papa b’ħerqa kbira u Frankie ħa l-opportunità li lill-Papa jgħannqu tliet darbiet. U l-Papa ha pjaċir b’din it-tgħannieqa, tgħannieqa li hija t-tgħannieqa tal-poplu Malti. Aħna wkoll kburin b’din it-tgħannieqa lill-Papa li waslet mingħand Frankie, għax f’din it-tgħannieqa ta’ Frankie naraw il-fjur tal-poplu tagħna, qalb sempliċi, qalb sajfa, imma li għandha għatx għat-tħaddin.

Il-Papa berikna, u fir-residenti tad-Dar tal-Providenza l-Papa bierek lill-poplu Malti u Għawdxi. Jien għidtlu: Santità qed nippreżentalek warda sabiħa tal-Knisja Maltija, imma ngħid tas-Soċjetà Maltija, għax meta aħna nsibu ħin, riżorsi, għajnuna, għall-istituzzjoni bħalma hi d-Dar tal-Providenza, qed nagħtu messaġġ fundamentali li huwa attwali u urġenti. Qegħdin ngħidu lid-dinja, mingħajr ħafna paroli żejjed, aħna min aħna biex niddeċiedu aħna l-valur tal-ħajja umana. Aħna nilqugħha bħala don. Min jien jien biex nagħżel bejn persuna jew oħra? Min jien jien biex ngħid irrid biss min hu sabiħ u qawwi u intelliġenti u b’saħħtu? Minn jien jien? U għalkemm dan hu atteġġjament ta’ umiltà kbira, inħoss li huwa atteġġjament ta’ dinjità u ta’ ċivilità.
Jekk jiena rrid nkejjel iċ-ċiviltà Maltija, inħares lejn l-isforzi li jagħmel il-gvern tagħna, l-isforzi li tagħmel is-soċjetà ċivili, li tagħmel il-knisja, biex aħna nissapportjaw lil dawn ħutna.

Kultant ikollna aptit ingergru, imma ejjew illum nieqfu u nirringrazzjaw lil Alla li aħna bħala Knisja, imma wkoll bħala soċjetà ċivili, nixtiequ li d-dinjità tal-bniedem ma tkunx imsejsa fuq l-utilità tiegħu f’termini ekonomiċi, imma fid-dinjità tiegħu bħala ħolqien. Għax anke min forsi bil-karba tiegħu, għandu messaġġ x’jagħti. Anke min forsi bis-sensibilità safja ta’ qalbu, bil-ħarsa tiegħu, bit-tgħannieqa sabiħa tiegħu, għandu messaġġ li aħna, li mingħalina aħjar u isbaħ u iżjed għorrief, kultant ninsew.

Tassew ngħidilkom, jgħid Ġesù, li kull fejn jixxandar dan il-Vanġelu fid-dinja kollha, dak li għamlet din il-mara jibqa’ jingħad b’tifkira tagħha. Kull meta tixxandar l-istorja tad-Dar tal-Providenza, dejjem insemmu lil dik il-mara li tat mitt Lira. Imma ejjew ukoll nirringrazzjaw lil tant nies li komplew biex din ix-xmara ta’ ġenerożità ma tieqaf qatt. U jalla aħna u naħdmu biex ikollna soċjetà nklussiva fuq ħafna livelli, u tajjeb li nagħmlu hekk, ma ninsew qatt li dawn ħutna, bil-preżenza u l-ħajja tagħhom, mhumiex piż imma rikezza, mhumiex toqol imma għajn ta’ ferħ u ta’ paċi għalina lkoll.

+ Charles J. Scicluna
Arċisqof ta’ Malta

The pocket diary of Id-Dar tal-Providenza for 2016 is currently being distributed in every household in Malta and Gozo. Maltapost has again offered to distribute the diaries free of charge.

This diary, with its information that is useful throughout the whole year, provides an opportunity for a show of solidarity with the Home that offers residency with the right environment to one hundred and nine persons with disability so that they can foster their personal growth. Over the past few weeks many volunteers from all walks of life gave a helping hand to pack these diaries in special envelopes. As in previous years, the diary includes the very useful timetable for daily and Sunday masses in all churches in Malta and Gozo and a detailed calendar. A list highlighting all the parish feasts in these islands for 2016 is also included.

The coloured photo on the cover is a David Pisani photo of Misraħ San Giovanni XXIII that was officially inaugurated by Archbishop Charles J. Scicluna on May 13th, 2015.

Gasan Mamo Insurance and Middlesea Valletta Life Assurance Company Ltd. sponsored the printing of the diary.

“The Pope blessed the residents of Id-Dar tal-Providenza and in so doing he blessed the people of Malta and Gozo.” Archbishop Charles J. Scicluna said this in his homily during a Thanksgiving Mass celebrated at St John’s Co-Cathedral in Valletta on the occasion of the 50th Anniversary of Id-Dar tal-Providenza. He continued saying: “I told the Pope: Your Holiness I present you with a beautiful flower of the Maltese Church and Maltese Society.”

The Archbishop insisted that when we find time, help and resources for an institution like Id-Dar tal-Providenza we are making a statement to the world: “Who are we to decide on the values of human life? We receive it as a gift. Who am I to choose between one person and another? Who am I to say that I only want those who are beautiful, well-built, intelligent and healthy? Who am I? And although this is a sure sign of utter humility, I think it is also a sign of dignity and civility”.

Faced with a group of residents on the front rows, the Archbishop continued saying that every time we talk about the story of Id-Dar tal-Providenza, we always mention that woman who donated a hundred Malta liri. However, we also ought to thank so many people who see to it that this river of generosity never dries up. He ended by saying: “may we who endeavour to have an inclusive society on many levels, and it is right to do so, will never forget those brothers and sisters who with their presence and their life, are not a burden but a richness, are not a weight but a source of happiness and peace for us all.”

In attendance were the President of Malta, Mrs Marie Louise Coleiro Preca, the Prime Minister Dr Joseph Muscat, Chief Justice Dr Silvio Camilleri, Presidents Emeriti, Cabinet Ministers and Members of Parliament as well as ex-Prime Minister Dr Lawrence Gonzi, the first Chairperson of the National Commission for Persons with Disability (KNPD).

Concelebrating with Archbishop Scicluna were Archbishop Emeritus Paul Cremona OP and Archbishop Joe Spiteri, Apostolic Nuncio for the Ivory Coast The congregation met with a round of applause the announced presence of Archbishop Emeritus Ġużeppi Mercieca who though not in good health made it a point to attend.

The offerings were taken up by Sr Lorenza Borg, Mother Superior of the Sisters of Charity who have been generously giving service at Id-Dar tal-Providenza for the last forty-eight years and Dr George Depasquale, nephew of Agnes Coleiro who made the first donation fifty years ago. Residents offered agricultural products that they produce themselves at the Agriculture Centre they have in their Home in Siġġiewi as well as fruits and vegetables that were donated to Dar tal-Kleru.

At the beginning of the Mass, Fr Martin Micallef, Director of Id-Dar tal-Providenza, said that through the sacrifice of the Mass we wanted to thank God for the work done by the Church in Malta as living witness to its dedication for inclusion. Id-Dar tal-Providenza will remain a shining example of the human face of the Church in Malta, a Church that is near the people, a Church that its doors are open to everyone, a Church that listens, a Church that puts into practice the solidarity, love and respect for man’s dignity from birth until death, a Church that fosters justice to ensure the rights to those who were deprived of them.

Mgr Charles Cordina then read the special Papal Blessing given on the occasion of the 50th Anniversary of Id-Dar tal-Providenza.

Bħala parti miċ-ċelebrazzjonijiet li jfakkru l-50 sena mit-twaqqif tad-Dar tal-Providenza, se jiġi ppreżentat Oratorju ġdid bl-isem: ‘Canticum Vitae’ – ‘Song of Life’. Dan l-Oratorju nkiteb minn Mons.Lawrence Gatt, ex-Direttur tad-Dar tal-Providenza b’mużika ta’ Mro Hermann Farrugia Frantz.

Dan tħabbar waqt konferenza tal-aħbarijiet, minn Fr Martin Micallef, Direttur tad-Dar tal-Providenza. Huwa qal li dan l-Oratorju se jkun esegwiet mill-Orkestra Filarmonika ta’ Malta u se jsir fid-Dar tal-Mediterran għall-Konferenzi nhar l-Erbgħa 7 ta’ Ottubru, fis-7.30 p.m. Ħabbar ukoll li nhar il-Gimgħa li ġej, Mons. Arcisqof se jqaddes quddiesa ta’ radd il-ħajr lil Alla fil-Konkatidral ta’ San Ġwann fis-6.30 p.m., waqt li nhar il-Ħadd 27 ta’ Settembru, se tiġi organizzata t-tieni edizzjoni tal-Walk Cycle Run b’risq id-Dar tal-Providenza.

Dwar l-Oratorju tkellem ukoll Mons. Lawrence Gatt, l-awtur tal-istess Oratorju, fejn spjega li l-Oratorju huwa bbażat fuq siltiet meħuda mill-Iskrittura flimkien ma’ partijiet żgħar mil-Liturġija, b’rabta maż-żmienna u d-Dar tal-Providenza. It-test bil-Malti tal-Bibbja huwa tal-Għaqda Biblika Maltija, waqt li t-traduzzjoni bil-Malti tal-partijiet mhux bibliċi huma ta’ Rev. Dun Nikol Aquilina.

Mro Farrugia Frantz, li se jidderieġi l-orkestra qal li fil-première tal-oratorju se jieħdu sehem il-kantanti solisti Francesca Aquilina, Charles Vincenti u Alfred Camilleri flimkien mal-‘Coro Bel Canto’, b’direzzjoni artistika ta’ Pierre Portelli.

Il-biljetti jistgħu jinkisbu b’donazzjoni ta’ €15 jew ta’ €10 għad-Dar tal-Providenza mis-sit www.mcc.com.mt jew info@dartalprovidenza.org (tel: 21462844).

Li kieku d-Dar tal-Providenza ma’ kienetx teżisti kien jkollna noħolquha. Huwa importanti li f’dan l-anniversarju nħarsu l-quddiem iktar milli lejn il-passat ta’ din l-istituzzjoni kbira fl-iżvillupp soċjali f’pajjiżna.

Dan qalu il-Prim Ministru ta’ Malta Dr. Joseph Muscat waqt żjara uffiċċjali li saret fid-Dar Tal-Providenza fl-okkażżjoni tal-50 anniversarju mit-twaqqif ta’ l-istess Dar.

Fr. Martin Micallef, id-Direttur tad-Dar Tal-Providenza irringrazzja lill-Prim Ministru taż-żjara tiegħu, żjara li għandha sinjifikat importanti għax turi l-apprezzament u ta’ l-importanza li jagħti l-Gvern għal-ħidma u r-rwol tad-Dar Tal-Providenza.

Waqt iż-żjara tiegħu, il-Prim Ministru li kien akkumpanjat mis-Sinjura Muscat, kellu l-opportunita li jiltaqgħa mar-residenti u l-ħaddiema tad-Dar.